Son Xəbər: Hakan Fidan: Türkiyə və region ölkələri fələstinlilərin Qəzzadan çıxarılması bəyanatları ilə razılaşa bilməz, Sabah yağış yağacaq, duman olacaq, Azərbaycan çempionatı hansı formatda olacaq? - Sərxan Hacıyevdən açıqlamalar, “Qumar kralı” Şəkili Yusif - Həbs edildi, Onlara yeni vəzifə verildi, Bakıda tanınmış yazıçının meyiti TAPILDI, FHN hava şəraiti ilə əlaqədar əhaliyə müraciət edib, Qazaxıstan AZAL-ın Aktauda qəzaya uğrayan təyyarəsi ilə bağlı təhqiqata dair ilkin hesabatı dərc edib, Rusiya Xarkova raket zərbələri endirib, ölən və yaralananlar var, Ərdoğanın Suriyanın müvəqqəti prezidenti ilə görüşü başlayıb,

Ötən il Azərbaycanda elektron ticarətin həcmi 27 mlrd. manatdan çox artıb

Tarix: Dün, 11:13

2024-cü il ərzində Azərbaycanda debet və kredit kartları vasitəsilə həyata keçirilən ölkədaxili nağdsız ödənişlərin həcmi 78 milyard 882 milyon manat təşkil edib.

"APA-Economics"in Azərbaycan Mərkəzi Bankının (AMB) məlumatları əsasında apardığı hesablamalarına görə, bu göstəricinin həcmi əvvəlki illə müqayisədə 60.9% və ya 29.8 milyard manat artıb.

Ötən il kartlar vasitəsi ilə həyata keçirilən ölkədaxili nağdsız ödənişlərin 66 milyard 515 milyon manatı ( 84.3%-i) elektron ticarətin payına düşüb ki, bu da 2023-cü illə müqayisədə 69.8% və ya 27.3 milyard manat çoxdur.

Hesabat dövründə sözügedən nağdsız ödənişlərin 12 milyard 274 milyon manatı POS-terminallar, 83 milyon manatı özünə xidmət terminalları, 10 milyon manatı isə bankomatlar vasitəsilə həyata keçirilib.

Qeyd edək ki, 2025-ci il yanvar ayının 1-nə ölkədə debet kartlarının sayı 17 milyon 642 min ədəd, kredit kartlarının sayı isə 2 milyon 256 min ədəd olub.